மாசில்லாத உலகம் தா...!!!

இயந்திரங்கள் சிந்தும் எச்சில்களாலும்

ஊர்திகள் ஊதும் கரும்புகையாலும் - மட்டுமா

இந்த பூலோகம் மாசுற்றுள்ளது?

மாசுற்ற இதயங்கள் கோடி..!!

கல்வியுலகம் காசுக்கு

சோரம் போனது..

இளைஞர் உலகமோ - ஆசையிலும்

போதையிலும் அல்லல்படுகிறது..

உழைக்கும் நெஞ்சங்கள்

பொறாமைகளால் நசுக்கப்படுகிறது..

அரசியல் உலகமோ

ஊழலில் உழல்கிறது..

மாசில்லாத உலகம் தாவென்று

கடவுளைத் தேடிச் சென்றால் -

கோயில்களை இன்று

சாதிக் குட்டிச்சாத்தான்கள் அழுக்காக்குகின்றன..

எங்கும் தேடிப் பார்த்தேன்..

தாயின் கருவறை தவிர

மாசில்லா இடம் என்

கண்களில் சிக்கவே இல்லை!!

இயற்கையை இன்னும் நாம் மாசுபடுத்தினால்

அது இயற்கையாகவே...

தனது கரைகளை அகற்றிக் கொள்ளும்..!!

உண்மையில் மாசில்லாத உலகம் வேண்டின்..

மாசில்லா உள்ளங்கள் வேண்டுவோம்..!!

எண்ணங்களை உயர்த்தி

உலகை உன்னதமாக்குவோம்... !!!

(பதிவ படிச்சுட்டீங்க.. உங்க ஓட்டக் குத்துங்க.. இல்லன்னா கருத்துரை போடுங்க..)